بالله عليكم ياجماعه حافظوا علي الثوره!! الثوره هضيع

View previous topic View next topic Go down

بالله عليكم ياجماعه حافظوا علي الثوره!! الثوره هضيع

Post by Mekkey on Sat Apr 09, 2011 7:07 pm

طبعاً كل واحد فينا عارف المصرين عملوا ايه عشان الحريه عشان دفع الأستبداد والظلم والقهر احنا خلعنا رئيس وشلنا نظام فاسد نظام كان بيستبيح دمنا ونظام بيسرق فلوسنا من 30 سنه .احنا مات من عندنا ناس من مختلف الأعمار الشاب والمسن مسلم ومسحي احنا ضحينا عشان مصر بكل غالي ضحينا بنفسنا عشان مستقبل البلد عشان الأفضل لمصر . وبعد كل ده نضيع الي عملناه . الي بنيناه باليمن نهده بالشمال ليه وعشان ايه ولمصلحه مين ؟ احنا الي بقينا بنظلم بعض وبنستغل بعض ياعني علي سبيل المثال ودا حصل ولله العظيم رايح الكليه عادي زي اي يوم رايح الموقف عشان اركب لقيت السواق بيقول الأجرة 1.75 قرش ياحضرات علي الرغم من ان المحله - منصوره معروف انها 1.50 ومع ذلك الناس دفعت عادي ومحدش اتكلم مع ان الجاز سعره زي ماهو لاذاد ولانقص والمهم قولنا عادي مجتش في ربع جنيه زياده ياعني وخلاص وصلنا بالسلامه ورحنا الكليه . واحنا راجعين لقينا سواقين واقفين تحت كبري جامعه المنصوره عند فندق رامادا وبيحملوا كمان بره الموقف وماشين عكس اتجاه والحياة منجا معاهم وكمان بيحمل اربعات والأجره 2 جنيه كمان والسواق بيقول الي مش عاجبه ينزل انا مدربتش حد علي ايدو ياعني واحنا رايحين كانت 1.75 واحنا راجعين 2 جنيه وإذا كان عاجب واربعات كمان . ليه ياجماعه نعمل كدا في بعض كل حاجه بتغلي من غير اي زياده في اسعار الموارد وليه كل حد يتقتل نقول الجيش هو الي قتله ليه ميدان التحرير ميدان الثوره بقي ميدان للمصالح الشخصيه ايه خلاص الحريه مش نافعه معانا عشان بقينا بنختار الي احنا عايزينوا ايه القمع والظلم والأستبداد وحشنا خدنا علي الظلم علي الديمقراطيه الزائفه علي انا راجل ديمقراطي وكلامي هو الي هيمشي ياجماعه فوقوا سيبكوا من الأوهام .سيبكوا بقي من كل مصيبه تحصل تجيبوها في السلفين والأخوان. حرام عليكم عايزين نستقر والجيش يرجع سكناته. الجيش الي مطول باله علي اولاد بلده الجيش الي بنتهمه بالطواطئ الجيش الي مدربش طلقه واحده في وش مواطن لكن هنقول ايه الشعب مش واخد علي الحريه ومعلش طولت عليكم بس انا عارف ان في ناس كتير فاهمه ومفيش في إديها حاجه تعملها
ويارب احفظ مصر من كل شر
[/size]
avatar
Mekkey
Admin
Admin

عدد المساهمات : 918
تاريخ التسجيل : 2011-03-15
العمر : 25
الموقع : mekkey.hooxs.com

http://mekkey.hooxs.com

Back to top Go down

View previous topic View next topic Back to top


 
Permissions in this forum:
You cannot reply to topics in this forum